मॉडर्न चाणक्यनीती
आज कालच्या जगात माणसं इतकी हुशार आणि चाणाक्ष झालेली आहेत कि त्यांनी चाणक्य नीतीचा नवा अध्याय जगाला ज्ञात करावयास सुरुवात केली. अशा प्रकारचा लेख का तर समाज हा कशाप्रकारे जगतिकीकरणाच्या दृष्टीने बहुआयामी आहे, आणि यामध्ये सामान्य माणुस कशाप्रकारे आपले अस्तित्व निर्माण करण्यासाठी भौतिक जगाचा उपभोग घेतोय आणि शिकार होतोय, या गोष्टीची खंत मनाला वाटली म्हणून मांडण्याचा हा प्रामाणिक प्रयत्न.
मदत... आजकालाच्या जगात मदत घेणं आणि देणं इतकं महाग आणि धोकादायक झालाय कि दिलेली मदत परतफेड करणार्याला शोधायला इंटेलिजन्स एजन्सी ची मदत घ्यावी लागणार कि काय असच वाटतंय, कारण आपल्या किमान गरजा इतक्या भरमसाठ वाढल्यात कि पोटासाठी शेजारच्यांच्या घरातली साखर पण कमी गोड वाटायला लागली, स्वाववलंबन आणि श्रमनिष्ठा हे फक्त आता व्यक्तिमत्व विकासाच्या पुस्तकातील धडेच राहणार बहुतेक.
या मॉडर्न जगात शस्रात्मक साधनांचा वापर कमी तर विचारांच्या लढाईतील शब्दांची AK47 आणि विरोधाचे रणगाडेच युद्धासाठी वापरले जातायेत. जो तो आपल्या पाठींब्यासाठी अशा प्रकारच्या मॉडर्न चाणक्यनितीचा वापर करताना त्याचा शिकार / विरोधी म्हणून आपल्या सख्या सोयारांना पण करायला खिजत नाही तर परके तर लांबचीच गोष्ट, आणि विशेष म्हणजे यात आपल्याच लोकांचा वापर करणाराच इतका स्वार्थी होतोय कि स्वार्थी पणाचा नवा माऊंट एव्हरेस्ट तो पादाक्रांत केल्याचा आनंद व्यक्त करत आहे.
माना अथवा नका मानू ज्या देशात जन्म देणाऱ्या आईबापाला लोक घराबाहेर काढू नि आपल्या मुला बाळांना उत्पन्नाचं साधन म्हणून वापरू शकतो त्या समाजात माणुसकीचा ऱ्हास व्हायला वेळ नाही लागणार आणि कलयुगातील दानव म्हणून खिदळणाऱ्या माणसाला थांबवणे अशक्यच होईल. आता प्रश्न तुमच्या आमच्या सारख्या विचारवंतांचा कि जे कदाचित मॉडर्न चानक्यनीतीचा वापर समाज हितासाठी आणि विकासाठी करू शकतील, नव्या पिढीला माणुसकीची नवी दिशा प्राप्त करून देतील. नक्की या विषयी विचारांची आणि मतं मांडण्याची गरज आहे, म्हणून जागे राहा रात्र वैऱ्याची आहे.
Comments
Post a Comment